Húsbíll varð alelda

Mikill erill var hjá slökkviliði höfuðborgarsvæðisins í nótt. Mikið var um sjúkraflutninga auk þess sem reykræsta þurfti í Funahöfða og húsbíll í Kórahverfi varð alelda.

Tvær tilkynningar um eld bárust slökkviliðinu um fimm leitið í nótt, önnur á Funahöfða og hin í Kórahverfi. Voru tvær stöðvar sendar í Funahöfða og ein í Kórahverfið. Á Funahöfða reyndist sökudólgurinn vera pottur á eldavél og þurfti aðeins að reykræsta en ástandið var öllu alvarlegra í Kórahverfinu þar sem fyrrnefndur húsbíll brann til kaldra kola.

Eldsupptök eru ókunn en enginn mun hafa hlotið líkamlegan skaða af. Tæknideild lögreglu fer með rannsókn málsins.

• Blogga um frétt