Gangurinn er hægur í viðræðum verkalýðsfélaga starfsmanna Rio Tinto Alcan í Straumsvík við Samtök atvinnulífsins (SA) hjá ríkissáttasemjara.
Deiluaðilar munu funda næst föstudaginn 10. júlí en fyrirhugað er ótímabundið yfirvinnubann starfsmanna álversins frá 1. ágúst næstkomandi. Allsherjarverkfall hefst síðan 1. september verði ekki búið að semja.
Starfsemi ríkissáttasemjara er í lágmarki í júlímánuði en deilan fer ekki í sumarfrí og því munu verða fundir. Ekki er þó vitað hvenær.