Telja áríðandi að bæta fjarskipti í dreifbýlinu

Bæjarstjórn Fljótsdalshéraðs samþykkti í síðustu viku að ráðast í úrbætur á örbylgjusambandi sveitarfélagsins.

Í fundargerð bæjarstjórnar kemur fram að líklegt sé að tengingu ljósleiðara ljúki ekki innan fimm ára og því þurfi að bregðast við strax. Brýn þörf sé á úrbótum og því verði ráðist í að bæta núverandi kerfi.

Á fundinum var einnig samþykkt að veita bæjarstjóra heimild til að sækja um styrk í fjarskiptasjóð vegna framkvæmdanna og ganga til samningaviðræðna um uppbyggingu á örbylgjusambandinu, að því er fram kemur í umfjöllun um mál þetta í Morgunblaðinu í dag.