„Þetta hefur alltaf verið svona hjá okkur um verslunarmannahelgi,“ segir Gísli Sigurbergsson, verðlagsstjóri Fjarðarkaupa í Hafnarfirði, og vísar í máli sínu til þess að verslunin verður lokuð alla helgina, þ.e. á laugardag, sunnudag og mánudag.

Ástæðan er einföld að sögn Gísla - verið sé að gera vel við starfsfólk.

Verslunin birti ljósmynd af Gísla fyrr í dag á samskiptavefnum Facebook og sést hann þar standa á bak við skilti sem auglýsir lokunina um helgina, en skiltið stendur á bílastæði verslunarinnar.

„Það er mjög í okkar anda að gera þetta, enda erum við meira og minna með lokað á öllum rauðum dögum, s.s. á 17. júní, sumardaginn fyrsta, 1. maí og uppstigningardag. Það er lokað alla rauða daga hjá okkur og hefur alltaf verið,“ segir Gísli í samtali við mbl.is. „Það er okkar stefna.“ 

Svo virðist sem viðskiptavinir og aðrir velunnarar verslunarinnar taki vel í stefnu Fjarðarkaupa því þegar blaðamaður ræddi við Gísla höfðu vel yfir 100 manns ritað athugasemd við myndbirtinguna á Facebook, yfir 2.000 sett við hana „læk“ og á annað hundrað deilt myndinni.

Tengdar fréttir

Verslunarmannahelgin

Sjáðu myndirnar frá hátíðum helgarinnar

• Búið að fjarlægja rútuna
• Rólegheit og þolinmæði gott veganesti í dag
• Þrjár líkamsárásir í Eyjum gær
• Hélt bolta á lofti í tæpan hálftíma

» Fleiri tengdar fréttir

• 1 blogg um fréttina

Bloggað um fréttina

• Skoðarinn: Flott að gefa frí