Sigurður Már Jónsson, upplýsingafulltrúi ríkisstjórnarinnar, segir viðbragðshóp vegna þeirrar stöðu sem skapast hefur á Siglufirði og Ólafsfirði vegna óvenju mikillar rigningar undanfarna daga, funda í hádeginu.
„Það liggur fyrir að hópurinn hittist núna í hádeginu. Þetta eru ráðuneytisstjórar eða staðgenglar þeirra. Menn hafa verið í símasambandi vegna þessa máls og hafa verið í sambandi við heimamenn. Viðbragð og samráð, út á það gengur þetta,“ segir Sigurður við mbl.is.
Sigurður segist ekki geta sagt til um það á þessari stundu hvort fé verði lagt af mörkum til að bæta íbúum tjón. „Ég get ekkert sagt til um það núna. Það blasir við að þetta kalli á aðkomu viðlagasjóðs á einhverjum stöðum.“
Hann segir aðgerðir viðbragshópsins væntanlega skýrast að loknum fundi nú í hádeginu.
Frétt mbl.is: Kallar saman viðbragðshóp
Frétt mbl.is: „Þetta var mikið ástand“