Stjórnarskrárnefnd, sem skipuð var af forsætisráðherra í nóvember árið 2013, býr sig nú undir að skila skýrslu í formi frumvarps til Alþingis á næstu vikum. Þetta segir Páll Þórhallsson, formaður nefndarinnar, í Morgunblaðinu í dag.

„Við höfum fundað nokkuð reglulega í sumar og áætlum að skila skýrslunni í formi frumvarps á næstu vikum, sem verður svo afgreitt fyrir jól ef pólitískur vilji er fyrir hendi,“ segir Páll og bætir við að frumvarpið muni lúta að fjórum málum sem sett voru í forgang, en það eru þjóðaratkvæðagreiðslur á grundvelli undirskrifta, framsal valdheimilda í þágu alþjóðasamvinnu, auðlindir og umhverfisvernd.

„Þetta er þó allt með fyrirvara um að nefndin nái saman núna á lokametrunum.“ Spurður segir hann að ekkert sérstakt standi í vegi fyrir starfi nefndarinnar.

Tengdar fréttir

Stjórnarskrármálið

Einkaverkefni forsætisráðherra

• Stjórnarskrárfélagið málaði hönd Danakonungs bláa
• Rúmlega helmingur styður tillögur stjórnlagaráðs
• Katrín vill sátt um annað en ósættið
• Feneyjanefndin skýrir mál sitt

» Fleiri tengdar fréttir