Spáð er enn einni hitasveiflunni á landinu, þar sem veður fer nú hlýnandi síðar í dag
með vaxandi S-átt. Þessu getur fylgt staðbundin flughálka, einkum á landinu
norðanverðu þar sem þjappaður snjór er fyrir á vegum.
Sennilega mun snjóa á fjallvegum á Vestfjörðum og vestantil á Norðurlandi síðdegis og í kvöld áður en þar mun hlána líkt og almennt á láglendi.
Hálka eða hálkublettir eru víða á Suðurlandi.
Á Vesturlandi er hálka eða hálkublettir á vegum.
Snjóþekja eða hálka er á Vestfjörðum. Flughálka er í Ísafjarðardjúpi.
Hálka og hálkublettir eru á vegum á Norður- og Austurlandi.
Greiðfært er víðast hvar með suðausturströndinni en hálkublettir á milli Kirkjubæjarklausturs og Mýrdalssands.