Flutningabíll fór á hliðina

Flutningabifreið með tengivagn fór á hliðina í Bolöldu við Jósepsdal í morgun. Ökumaður flutningabílsins var fluttur á slysadeild til skoðunar en hann slasaðist ekki alvarlega. 

Slökkvilið höfuðborgarsvæðisins segir í samtali við mbl.is að tilkynning um óhappið hafi borist klukkan 9:10. Bifreiðin var ekki á mikilli ferð þegar hún fór á hliðina. 

Ökumaðurinn vankaðist um stund við höggið, en sem fyrr segir hlaut hann ekki alvarleg meiðsl. 

Samkvæmt upplýsingum frá lögreglunni á höfuðborgarsvæðinu er talið að fjöður eða fjaðrir hafi brotnað með ofangreindum afleiðingum. Málið er í rannsókn.

• Blogga um frétt