Vaxandi áhyggjur eru nú í viðræðum samtaka á vinnumarkaði um útfærslu Salek-rammasamkomulagsins vegna þess að ríkisstjórnin hefur enn ekki kynnt tillögur til að uppfylla hlut stjórnvalda í samkomulaginu.
Í viðræðum ASÍ og SA er unnið að gerð kjarasamnings um breytingar á gildandi samningum og aðlögun forsenduákvæða að Salek-samkomulaginu, en endurskoðun samninga þarf að vera lokið fyrir 1. febrúar, að því er fram kemur í Morgunblaðinu í dag.
Þorsteinn Víglundsson, framkvæmdastjóri SA, segir í leiðara fréttabréfsins Af vettvangi í gær að lækki tryggingagjaldið ekki á næsta ári séu kjarasamningar fyrir tímabilið 2016-2018 í uppnámi.