„Ætli það hafi gerst í nokkrum skóla hér á landi áður að heill bekkur sé eingöngu skipaður Kínverjum, ég efast um það,“ segir Friðjón Sæmundsson, skólastjóri Ferðamálaskóla Íslands.
Í leiðsögunámi í skólanum eru nú 28 Kínverjar meðal nemenda og fólk af kínversku bergi brotið. Kennslan fer fram á kínversku og áherslan er lögð á land, sögu, menningu og náttúru.
„Þetta fólk er allt búsett hér á landi og er á aldrinum frá tvítugu og þau elstu eru á sextugsaldri,“ segir Friðjón í umfjöllun um þetta mál í Morgunblaðinu í dag.