Þjónustumiðstöð vestan vegar

Tillaga að deiliskipulagi fyrir svæðið við Seljalandsfoss og Hamragarða gerir ráð fyrir að þjónustumiðstöð og bílastæði verði vestan núverandi Þórsmerkurvegar.

Jafnframt er gert ráð fyrir að Þórsmerkurvegur verði færður vestur fyrir þjónustumiðstöðina, að því er fram kemur í umfjöllun um mál þetta í Morgunblaðinu í dag.

Starfshópur á vegum Rangárþings eystra hefur unnið að deiliskipulagi svæðisins í samráði við aðra landeigendur. Hópurinn kynnti tillögu sína á opnum íbúafundi í gær. Meðal markmiða skipulagsins er að bæta aðstöðu ferðamanna en um leið að draga úr álagi á viðkvæm svæði.