Farþegi sem kom með flugi frá Keflavík til Baltimore var stöðvaður á flugvellinum ytra vegna hvalbeina sem fundust í farangrinum. Þjóðerni farþegans liggur ekki fyrir.
Í tilkynningu frá tolleftirlitinu á Thurgood Marshall-flugvellinum í Baltimore segir að beinin hafi fundist við skoðun á farangri farþegans sem hélt því fram að um hvalbein væri að ræða.
Innflutningur á sumum beinum er bannaður í Bandaríkjunum og eru bein dýra í útrýmingarhættu þar á meðal.
Tollverðir gerðu beinin upptæk og verða þau send til rannsóknar. Ef beinin reynast ekki vera af dýri í útrýmingarhættu verður þeim skilað aftur til eigandans.
Frétt NBC Washington.
BWI passenger tells tale of a whale about bones in luggage. https://t.co/ueRBHNCPXH pic.twitter.com/2UPCBMpoMY
— The Baltimore Sun (@baltimoresun) February 13, 2016