Í nótt þurfti lögreglan á höfuðborgarsvæðinu ítrekað að hafa afskipti af fólki vegna ölvunar, m.a. vegna hraðaaksturs undir áhrifum. Það sést glöggt á dagbók lögreglunnar en brot úr henni fylgja fréttinni.
Hér á eftir fara brot úr dagbók lögreglu:
Stöð 1 Austurbær-Miðbær-Vesturbær-Seltjarnarnes
20:50 Ölvaður maður með vandræði við Hlemm. Maðurinn vistaður í fangageymslu þar til ástand hans verður betra.
01:23 Ölvaður maður handtekinn í Austurstræti. Maðurinn vistaður í fangageymslu sökum ástands.
04:30 Bifreið stöðvuð á Grandavegi. Ökumaðurinn grunaður um ölvun við akstur.
Stöð 2 Hafnarfjörður-Garðbær-Álftanes
20:46 Ölvuð kona handtekinn við veitingahús í Hafnarfirði. Konan vistuð í fangageymslu þar til ástand hennar verður betra.
22:10 Afskipti af ökumanni í Hafnarfirði. Ökumaðurinn grunaður um akstur bifreiðar undir áhrifum fíkniefna og aka sviptur ökuréttindum.
Stöð 4 Grafarvogur-Mosfellsbær-Árbær
18:44 Afskipti höfð af ökumanni í Mosfellsbæ. Ökumaðurinn grunaður um ölvun við akstur og var vistaður í fangageymslu fyrir rannsókn máls.
22:38 Bifreið stöðvuð eftir hraðamælingu í Ártúnsbrekku 111/80. Ökumaðurinn grunaður um ölvun við akstur.