Benedikt Sveinsson, faðir Bjarna Benediktssonar, fjármálaráðherra og formanns Sjálfstæðisflokksins, hefur sent frá sér yfirlýsingu þar sem hann segist m.a. aldrei hafa átt fé „á aflandseyjum“.
Frétt mbl.is: Foreldrar Bjarna áttu aflandsfélag
Benedikt segir hús hans og eiginkonu hans í Flórída hafa verið skráð á eignarhaldsfélag á Bresku Jómfrúareyjum að ráðleggingum bandarískra lögmanna, en það hafi ávallt verið talið fram til skatts á Íslandi og aldrei haft neinn rekstur með höndum og engar tekjur.
Yfirlýsingin í heild:
Árið 2000 keyptum við hjónin hús í Floridafylki í Bandaríkjunum. Húsið var skráð á eignarhaldsfélag á Bresku Jómfrúareyjum að ráðleggingum bandarískra lögmanna. Engar aðrar eignir hafa verið í félaginu.
Félagið hefur ávallt verið talið fram til skatts á Íslandi og en aldrei haft neinn rekstur með höndum og engar tekjur. Umrætt félag er í slitameðferð og unnið er að því að færa eignarhald á húsinu til Íslands.
Ég hef alla tíð búið á Íslandi og greitt mína skatta hér. Ég hef ekki átt neitt fé á aflandseyjum.
Benedikt Sveinsson