Ákvörðun Árna Páls kom á óvart
Setja bókamerki
Oddný G. Harðardóttir, þingmaður Samfylkingarinnar, segist virða ákvörðun Árna Páls um að hætta við að gefa kost á sér til áframhaldandi formannssetu „Ég var annars bara að sjá þetta og hef ekki náð að tala við hann sjálfan.“
Hún segir ákvörðunina koma sér á óvart, enda sé stutt síðan að Árni Páll tilkynnti að hann ætlaði að gefa kost á sér áfram. Oddný tilkynnti í mars að hún bjóði sig fram í formannsembættið og segir hún ákvörðun Árna Páls óneitanlega breyta stöðu annarra frambjóðenda um embættið. „Sitjandi formaður hefur alltaf ákveðna stöðu og það er aldrei auðvelt að fara fram gegn honum.“
Spurð um lélegan árangur Samfylkingarinnar undanfarna mánuði og hvort lausnin geti falist í nýrri forystu segir hún: „Mér finnst eðlilegt að flokkur í þessari stöðu reyni allt sem hann getur til að laga stöðuna og eitt af því getur verið að skipta um forystu, en öll erum við nú samt að berjast fyrir sömu stefnunni.“
„Okkur miðar í rétta átt“
Banna mengandi búnað sem leyfður er á Íslandi
Shakespeare fannst í skókassa
Vélsleðaslys: Þyrlan kölluð út á mesta forgangi
„Það þarf að vinna mikinn fjölda upp“
„Hvílir mikil leynd yfir þessu öllu“
Eyjafjarðarbraut lokað vegna alvarlegs umferðarslyss
Skiptir miklu meira máli en fólk grunar