Eins hreyfils flugvél sveigði af braut eftir lendingu á Reykjavíkurflugvelli stuttu fyrir klukkan 14 í dag eftir að eitthvað kom upp á í lendingarbruni.
Var norður-suður braut vallarins lokað í kjölfarið. Rannsóknarnefnd samgönguslysa mun fara yfir atvikið en ekki er vitað hvað gerðist samkvæmt upplýsingum frá Isavia.
Búið var að flytja vélina út af klukkan 15:10 og flugvöllurinn er kominn aftur í eðlilega starfsemi.