Piltur á átjánda aldursári ók utan í gangavegginn í Vestfjarðagöngum milli Flateyrar og Ísafjarðar í kvöld. Hann var einn í bílnum.
Pilturinn var fluttur á Heilbrigðisstofnun Vestfjarða til aðhlynningar en hlaut að sögn lögreglu aðeins lítilsháttar meiðsl á höfði.
Hreinsa þurfti upp olíu í göngunum og draga bílinn af vettvangi, en hann mun mikið skemmdur. Urðu því einhverjar tafir á umferð vegna aðgerðanna.