Kvöddu nemendur með sorg í hjarta

Útskrift leikskólans Öskju.
Útskrift leikskólans Öskju. Eggert Jóhannesson

Leikskólinn Askja útskrifaði í gær þau börn sem yfirgefa nú leikskólann og halda á vit ævintýranna í grunnskólunum. Voru börnin glöð og spennt að takast á við nýjar áskoranir, líkt og sjá má í myndasyrpu sem fylgir fréttinni. 

Dóra Margrét Bjarnadóttir, skólastjóri Öskju, segir í samtali við Morgunblaðið að dagurinn hafi verið dásamlegur, veðrið hafi leikið við börn og foreldra og kennarar kvatt útskriftarnemendur með sorg í hjarta. 

„Við gerum svolítið úr þessum áfanga því að þetta er stórt skref,“ segir Dóra. Hvert barn fékk meðal annars stein og birkihríslu til umsagnar og veglegs faðmlags frá kennurum í kveðjugjöf. „Steinninn fær hvert og eitt barn sem það skreytir með fallegum hugsunum,“ segir Dóra, ánægð með útskriftina. 

mbl.is
Fleira áhugavert
Fleira áhugavert