Lögreglan á höfuðborgarsvæðinu handtók mann á heimili í Kópavogi í gærkvöldi en hann er grunaður um framleiðslu fíkniefna. Maðurinn var vistaður í fangageymslu í nótt í þágu rannsóknar málsins. Í miðborg Reykjavíkur var ölvaður maður handtekinn, grunaður um líkamsárás.
Í dagbók lögreglunnar kemur fram að síðarnefndi maðurinn hafi ekki farið að fyrirmælum lögreglumanna og fékk hann að gista í fangaklefa sömuleiðis. Maðurinn var handtekinn klukkan rúmlega hálfátta í gærkvöldi.
Við Mjóddina var tilkynnt um bifreið sem hafði verið ekið á ljósastaur en ökumaðurinn síðan ekið af vettvangi. Lögreglan hafði hins vegar upp á ökumanninum skömmu síðar.