Íslendingar fá jafnmarga miða á undanúrslitin
Setja bókamerki
Íslendingar fengu 6.000 miða á leikinn gegn Frökkum, utan þeirra sem fóru í almenna miðasölu. Þetta staðfestir UEFA í samtali við mbl.is.
Íslendingar og Frakkar sem höfðu keypt sérstaka miða sem gefa þeim sjálfkrafa rétt á miðum á leiki sinna liða í útsláttarkeppni mótsins fengu sendan tölvupóst með hlekk á sölusíðu UEFA eftir að almennri sölu lauk. Íslendingum virðist þó hafa dugað að hafa keypt miða á einhvern leik riðlakeppninnar, en líklega er það vegna þess hve fáir keyptu sérstaka miða í útsláttarkeppni mótsins.
Samkvæmt UEFA fengu stuðningsmenn hvorrar þjóðar því 6.000 miða fyrir sig á leikinn á Stade de France á sunnudag. Frakkar fengu því ekki fleiri miða en Íslendingar, þrátt fyrir að vera gestgjafar mótsins.
Fari Ísland í undanúrslit keppninnar munu íslenskir stuðningsmenn aftur fá 6.000 miða á þann leik, sem verður gegn annaðhvort Þjóðverjum eða Ítölum og verður leikinn á Stade Vélodrome í Marseille.
Sigri íslenska liðið þann leik snýr það aftur á Stade de France í úrslitaleik Evrópumótsins 10. júlí, en þar munu íslenskir stuðningsmenn fá fleiri miða, eða 9.000 talsins.
„Það er skiljanlegt að þolinmæði þeirra sé lítil“
Aðeins ein leið fær í Grindavíkurmálum
Ekki byggt í takt við áform sveitarfélaga
Markaðurinn hitnar og leiguverð hækkar hratt
Benda á Samgöngustofu sem bendir út í heim
Innviðir þandir og álagið „gríðarlegt“