Treyja íslenska landsliðsins í knattspyrnu er uppseld hjá flestum endursöluaðilum. Ný sending af treyjunum kemur til landsins á föstudaginn og önnur í vikunni þar á eftir.

Búist er við því að treyjurnar fari hratt og vel í verslanir. „Eftir glæsilegan sigur Íslendinga á Englendingum hefur fjöldi fyrirspurna borist til okkar, en vegna gríðarlegs álags á símkerfi okkar höfum við því miður ekki náð að svara öllum símtölum. Unnið hefur verið markvisst að því að tryggja fleiri treyjur til landsins,“ segir Þorvaldur Ólafsson, framkvæmdastjóri Errea á Íslandi, í tilkynningu frá fyrirtækinu.

Sama staða er uppi hjá Henson, sem framleiðir stuðningstreyjur fyrir Tólfuna, stuðningssveit íslenska landsliðsins. Í Morgunblaðinu í dag segir Halldór Einarsson í Henson að fyrirtækið hafi framleitt um fimm þúsund treyjur sem seljist jafn óðum.

Tengdar fréttir

EM 2016 í fótbolta

Danir slógu Evrópumeistarana úr leik

• Landsliðið tilnefnt til verðlauna – almenningur kýs
• Enska liðið mætti með smá hroka
• Þakklát fyrir boðið til Íslands
• Notkun gagnamagns jókst um 600%

» Fleiri tengdar fréttir