Enn sem komið er hefur enginn forsetaframbjóðendanna níu skilað kostnaðarupplýsingum um framboð sitt til Ríkisendurskoðunar.

Þeim ber að skila upplýsingum um tekjur og kostnað vegna kosningabaráttunnar til Ríkisendurskoðunar í síðasta lagi þremur mánuðum eftir að forsetakjör fór fram og því hafa þeir frest til 24. september til þess.

Fari heildartekjur eða heildarkostnaður vegna kosningabaráttu yfir 400.000 krónur þarf frambjóðandinn að skila inn uppgjöri en sé upphæðin undir þeirri upphæð dugar að skila inn yfirlýsingu þar um með rafrænum hætti. Kostnaður má að hámarki vera 150 kr. vegna hvers íbúa á kjörskrá fyrir landið allt. Á henni voru 245.004 manns svo hver frambjóðandi hefur ekki mátt eyða yfir 36,8 milljónum króna í framboð sitt.

Tengdar fréttir

Forsetakosningar 2016

„Kom aldrei til greina að gera lag“

• Eldra fólkið kýs frekar
• Framboð Davíðs kostaði 27,7 milljónir
• Framboð Guðna kostaði 25 milljónir
• Fyrsta heimsóknin hafin

» Fleiri tengdar fréttir