Druslur fjölmenntu í miðbæinn
Setja bókamerki
Druslur gengu fylktu liði niður Skólavörðustíginn í miðbæ Reykjavíkur í dag. Talið er að þúsundir manna hafi tekið þátt í göngunni í ár og svo virðist sem rigningin hafi ekki haft áhrif á þátttökuna.
Þetta var í sjötta sinn sem Druslugangan er gengin.
Um er að ræða þverpólitíska kröfugöngu, en í ár leggja skipuleggjendurnir áherslu á mikilvægi forvarna og fræðslu og hvernig hægt sé að koma í veg fyrir kynferðisafbrot.
Er tilgangur göngunnar að færa skömmina þangað sem hún á heima, hjá gerendum kynferðisofbeldis, en ekki hjá þolendum þess.
Druslugangan er orðin að föstum punkti í íslensku samfélagi þar sem samfélagið rís upp gegn kynferðisofbeldi og stendur með þolendum. Gangan hefur orðið fjölmennari með hverju árinu sem líður.
Gengið var frá Hallgrímskirkju, niður Skólavörðustíginn og að Austurvelli. Þar standa nú yfir ræðuhöld og mun tónlistarfólkið Friðrik Dór, Hildur og Hemúllinn einnig koma fram.
/frimg/1/48/63/1486389.jpg)
Halla ekki verið að taka harða afstöðu
Lögreglan ekki tekið afstöðu til kærunnar
Mest spennandi kosningar í áratugi
Sáttur við sína stöðu og finnur fyrir meðbyr
„Þetta er pínu óvanaleg staða“
Átta morðmál á aðeins tólf mánuðum
„Við erum ekki að refsa fólki fyrir að vinna“