Vann 11 milljarða í Eurojackpot

Einn vann stóra pottinn í Eurojackpot og fær hvorki meira né minna en 11 milljarða króna í sinn hlut. Sá stálheppni keypti miðann í Wiesbaden í Þýskalandi. Ellefu deila með sér 2. vinningi og fær hver þeirra tæpar 32 milljónir.

Sex umræddra miða voru seldir í Þýskalandi, tveir í Finnlandi og einn í Danmörku, Noregi og Slóvakíu.

Átján skipta með sér 3. vinningi og fá tæpar 7 milljónir hver í sinn hlut. Þrettán miðar voru keyptir í Þýskalandi, tveir í Finnlandi og einn í Danmörku, Tékklandi og Ungverjalandi.

Þrír voru með þrjá rétta í Jóker og fær hver 100.000 krónur.

Tölur kvöldsins í Eurojackpot: 4-8-22-36-44. Stjörnutölurnar: 5-10.

Jókertölur kvöldsins: 7-9-7-7-4.

mbl.is
Fleira áhugavert
Fleira áhugavert