Enn stendur yfir gröftur í gegnum misgengissprungu við Fnjóskadalsstafn Vaðlaheiðarganga.
Vatnsleki hefur valdið töfum en Valgeir Bergmann, framkvæmdastjóri Vaðlaheiðarganga, býst við því að hægt verði að hefja hefðbundinn ganga-gröft þeim megin ganganna seinni hluta ágústmánaðar.
Gangagröftur Eyjafjarðarmegin gengur á hinn bóginn sinn vanagang. Verktakar vinna einnig að því að byggja upp veg frá Fnjóskárbrú að gangamunnanum, að því er fram kemur í umfjöllun um mál þetta í Morgunblaðinu í dag.