Davíð Þór sóknarprestur í Laugarneskirkju
Setja bókamerki
Séra Davíð Þór Jónsson hefur verið kjörinn sóknarprestur Laugarneskirkju. Frá þessu greinir formaður sóknarnefndar Laugarnessóknar á Facebook-síðu kirkjunnar. Embættið veitist frá 15. september næstkomandi.
„Um leið og við þökkum framúrskarandi umsækjendum um embætti sóknarprests fyrir einlægan áhuga og hlýja viðkynningu, þá tilkynni ég fyrir hönd kjörnefndar að sr. Davíð Þór Jónsson hefur verið kjörinn sóknarprestur,“ skrifar Aðalbjörg S. Helgadóttir, formaður sóknarnefndarinnar.
Alls sóttu þrír umsækjendur um embætti sóknarprests í Laugarnesprestakalli í Reykjavíkurprófastsdæmi vestra. Auk Davíðs, sem starfaði sem héraðsprestur á Austurlandi, sóttu þau Inga Harðardóttir guðfræðingur og séra Stefán Már Gunnlaugsson, sóknarprestur á Vopnafirði, um embættið.
Í Laugarnesprestakalli er ein sókn, Laugarnessókn, með rúmlega 5.000 íbúa og eina kirkju, Laugarneskirkju. Núverandi sóknarprestur, sr. Kristín Þórunn Tómasdóttir, er að flytja til útlanda og sagði embættinu lausu.
„Þögnin er ærandi“
Starfsfólk gæti fengið reikning frá Skattinum
Segir óábyrgt að skipta út öllu bankaráðinu
Mikil skjálftavirkni á landinu áhyggjuefni
Skrítin menning í bankanum
„Við eigum hvergi heimili“
Sat á þaki byggingarinnar þegar eldurinn kviknaði
„Ert þú þá svona latte-lepjandi hjólagaur?“