Tengd í land

Faxaflóahafnir hafa tekið vel í beiðni HB Granda um að útgerðarfélagið fái leyfi til að leggja og reka veitukerfi fyrir skip á athafnasvæði sínu á Norðurgarði.

Hafinn er undirbúningur að byggingu nýs hafnarbakka við Norðurgarð sem þjóna mun nýjum ísfisktogurum HB Granda.

HB Grandi vill auka verulega notkun á rafmagni og heitu vatni til að hita skipin og lýsa, þegar þau eru í höfn. Hafnarstjórn Faxaflóahafna féllst fyrir sitt leyti á að fyrirtækið eigi og reki veitukerfið á Norðurgarði, að hluta eða öllu leyti. Hafnarstjóra var falið að semja við HB Granda um verkefnið, að því er fram kemur í umfjöllun um mál þetta í Morgunblaðinu í dag.