Ekið var á stúlku við Menntaskólann í Hamrahlíð nú í hádeginu. Sjúkrabíll var kallaður á vettvang en meiðsli stúlkunnar eru ekki alvarleg.
Samkvæmt upplýsingum frá slökkviliðinu á höfuðborgarsvæðinu var keyrt á gangandi vegfaranda í Hamrahlíðinni. Viðkomandi var fluttur með sjúkrabíl á slysadeild Landspítalans en meiðslin eru talin minniháttar.
Ekki er nánar vitað um tildrög slyssins að svo stöddu.