Gunnar Bragi Sveinsson, sjávarútvegs- og landbúnaðarráðherra, ítrekaði stuðning sinn við Sigmund Davíð Gunnlaugsson í yfirlitsræðu sinni á flokksþingi Framsóknarflokksins sem nú stendur yfir.
„Við þurfum ekki formann sem horfir í baksýnisspegilinn,“ sagði Gunnar Bragi meðal annars í ræðunni og hrósaði hann jafnframt Lilju Dögg Alfreðsdóttur utanríkisráðherra fyrir dyggan stuðning sinn við formanninn.
Gunnar Bragi gefur kost á sér sem ritari flokksins en kosið verður um forystuna á þinginu á morgun.