Ákveðið hefur verið í samráði við Vegagerðina að loka Þórsmerkurvegi í dag hið minnsta vegna vatnavaxta, samkvæmt upplýsingum frá lögreglunni á Suðurlandi.
Veðurspáin er að ganga eftir, samkvæmt upplýsingum frá Veðurstofunni og því munu verða gríðarmiklir vatnavextir á Þórsmerkursvæðinu.
Lögreglan biður fólk um að fylgjast með veðri og fréttum í dag og eins verða sendar tilkynningar inn á Facebook-síðu lögreglunnar ef þörf þykir.