Sala á kindakjöti dróst saman í september um tæpt 21% frá sama mánuði á síðasta ári.
Skýringin er sögð sú að salan var óeðlilega mikil í samanburðarmánuðinum í fyrra vegna þess að tveir framleiðendur voru þá að selja meira kjöt af eldri birgðum.
Heildarsala á kjöti af innlendri framleiðslu hefur aukist um tæp 7% á tólf mánaða tímabili miðað við sömu mánuði ári fyrr, samkvæmt upplýsingum búnaðarstofu Matvælastofnunar. Mest hefur aukningin verið í nautgripakjöti, 26%. Þá er aukning í alifuglakjöti, tæp 12%, og svínakjöti 4,5%. Sala á kindakjöti hefur minnkað á milli ára um tæp 5%.