Ofsaakstur innanbæjar á Sauðárkróki

Frá Sauðárkróki.
Frá Sauðárkróki. mbl.is/Sigurður Bogi Sævarsson

Tilkynnt var um ofsaakstur bifreiðar innanbæjar á Sauðárkróki í nótt. Þetta kemur fram í tilkynningu frá lögreglunni á Norðurlandi vestra, en þar segir að sést hafi til sömu bifreiðar þar sem henni var spólað í hringi á planinu við Skagfirðingabúð.

Er aksturinn sagður hafa valdið íbúum miklu ónæði og skorar lögreglan á fólk að tilkynna umsvifalaust um slíka hegðun ökumanna, verði það vart við hana, þar sem aksturslagið geti skapað stórhættu.

mbl.is
Fleira áhugavert
Fleira áhugavert