Guðni Th. Jóhannesson, forseti Íslands, hefur þekkst boð Margrétar II Danadrottningar um að hann og eiginkona hans Eliza Reid komi í opinbera heimsókn til Danmerkur í janúar. Gert er ráð fyrir að heimsóknin hefjist 24. janúar næstkomandi og formleg dagskrá standi í tvo daga.
Þetta kemur fram í tilkynningu frá skrifstofu forsetans, en nánari upplýsingar um heimsóknina og dagskrá verða kynntar þegar nær dregur ferðinni.