Búist er við talsverðri rigningu á Suðurlandi síðdegis á morgun, en suðaustanlands annað kvöld. Þetta kemur fram í athugasemdum veðurfræðings Veðurstofu Íslands. Á fimmtudag er spáð snjókomu, fyrst sunnanlands.
Í kvöld er búist við austan 5-10 m/s og dálítilli rigning í kvöld, en yfirleitt verður þurrt veður norðvestan- og vestanlands.
Á morgun verður suðaustan 8-13 m/s, en víða 13-18 m/s á Suðvestur- og Vesturlandi fram yfir hádegi. Þurrt verður norðaustanlands til fram á kvöld en annars rigning. Styttir upp vestast á landinu síðdegis á morgun, en hins vegar verður talsverð rigning sunnanlands. Hiti 3 til 9 stig.
Veðurspá næstu daga er þessi:
Á mánudag:
Gengur í vestan 18-23 m/s, fyrst suðaustanlands, en mun hægari vindur vestan til á landinu. Rigning eða slydda. Suðvestan 10-15 m/s og él síðdegis, en léttskýjað á Austurlandi. Hiti 1 til 7 stig, en svalara um kvöldið.
Á þriðjudag:
Suðaustan 13-20 m/s og súld eða rigning, en hægari og þurrt norðaustan til. Vægt frost á Norðaustur- og Austurlandi í fyrstu, annars 1 til 8 stiga hiti.
Á miðvikudag:
Sunnan 8-13 m/s. Skúrir og síðar él, en léttir til á Norður- og Austurlandi. Kólnandi veður, frost víða 0 til 5 stig um kvöldið.
Á fimmtudag:
Vaxandi austanátt með snjókomu, fyrst sunnanlands og síðar með slyddu eða rigningu, en úrkomulítið á Norðurlandi og Vestfjörðum. Hlýnandi veður, hiti 1 til 6 stig síðdegis en vægt frost norðanlands.
Á föstudag:
Breytileg átt og víða rigning eða slydda.