Búist er við talsverðri rigningu á Suðurlandi síðdegis, en suðaustanlands í kvöld. Þurrt veður verður norðaustan til fram á kvöld. Það styttir upp vestast á landinu síðdegis. Vindur verður 8-18 m/s, hvassast suðvestan- og vestanlands fram yfir hádegi. Hiti verður 3-9 stig í dag. Svo fer veður kólnandi.
Greiðfært er á vegum á Suðurlandi, Vesturlandi og Vestfjörðum en hálkublettir eða hálka er á nokkrum leiðum á Norðaustur- og Austurlandi. Þoka er á Fjarðarheiði.
Á morgun spáir Veðurstofan 8-15 m/s og skúrum, éljum, slyddu eða rigningu austan til. Hiti verður þá á bilinu 1-5 stig en víða vægt frost inn til landsins.
Veðurspá á þriðjudag:
Suðaustan 13-20 og súld eða rigning, en hægari og þurrt norðaustan til. Vægt frost á Norðaustur- og Austurlandi í fyrstu, annars 1 til 8 stiga hiti.
Á miðvikudag:
Suðaustanátt og rigning fyrri hluta dags, einkum sunnan til. Suðvestan 5-13 m/s og skúrir og síðar él síðdegis, en léttir til á Norður- og Austurlandi. Kólnandi, frost víða 0 til 5 stig um kvöldið.
Á fimmtudag:
Vaxandi austanátt með snjókomu eða slyddu, fyrst sunnanlands og síðar rigningu, en úrkomulítið um landið norðanvert. Hlýnandi veður, hiti 1 til 6 stig síðdegis en vægt frost norðanlands.