Ók á stein og velti bíl

Sólarlag við Gróttu.
Sólarlag við Gróttu. mbl.is/Árni Sæberg

Síðdegis í gær barst lögreglunni á höfuðborgarsvæðinu tilkynning um bílveltu við Gróttu á Seltjarnarnesi.

Samkvæmt upplýsingum frá lögreglunni var bifreið ekið á stein með þeim afleiðingum að hún valt. Engin meiðsl urðu á fólki.

Í gærkvöldi var lögreglan á höfuðborgarsvæðinu með umferðareftirlit í miðborg Reykjavíkur. Samkvæmt upplýsingum í tilkynningu frá lögreglu voru sjö ökumenn handteknir, sex fyrir ölvun og einn fyrir akstur undir áhrifum vímuefna. Sá hafði einnig verið sviptur ökuréttindum og var með fíkniefni í fórum sínum.

mbl.is
Fleira áhugavert
Fleira áhugavert