Tveimur sjálfstæðum rannsóknum á plastbarkamálinu svokallaða af hálfu Karólínsku stofnunarinnar og Karólínska sjúkrahússins í Stokkhólmi lauk í ágúst í fyrra.
Kjell Asplund, formaður sænska landsiðaráðsins um læknisfræðilega siðfræði og höfundur skýrslunnar um þátt Karólínska sjúkrahússins, sagði í erindi um málið í Háskóla Íslands í gær að tiltrú manna á ítalska skurðlækninum Paolo Macchiarini hefði minnt á tiltrú á íslensku bankana fyrir hrun.
„Macchiarini ber mesta ábyrgð í þessu máli en aðrir sem að málinu komu geta þó ekki firrt sig allri ábyrgð,“ segir Asplund í umfjöllun um mál þetta í Morgunblaðinu í dag.