Það er hálka á Hellisheiði en hálkublettir í Þrengslum. Á Suðurlandi er víðast hvar hálka eða hálkublettir að sögn Vegagerðarinnar.
Þá er hálka einnig á flestum vegum á Vesturlandi og Vestfjörðum, en Fróðárheiði er ófær.
Hálka er á flestum leiðum á Norðvesturlandi, á Norðausturlandi er éljagangur, hálka og snjóþekja.
Dregið hefur úr úrkomu á Austurlandi en þar er víðast snjóþekja eða hálka. Ófært er á Vatnsskarði eystra, Breiðdalsheiði og Öxi.
Með suðausturströndinni eru víðast aðeins hálkublettir eða jafnvel alveg autt.