Suðaustlæg átt verður næsta sólarhringinn, þrír til tíu metrar á sekúndu. Þá verður rigning og súld, en úrkomulítið um landið norðaustanvert, samkvæmt upplýsingum frá Veðurstofunni.
Þegar líður á morgundaginn verður norðaustanvindur, þrír til tíu metrar á sekúndu, slydda norðanlands, rigning eða súld sunnan- og austanlands, en að mestu þurrt og léttir heldur til vestast á landinu. Hiti verður tvö til sjö stig, en kólnar lítið eitt á morgun.
Samkvæmt upplýsingum frá Vegagerðinni eru vegir að heita má greiðfærir um allt land.
Þoka er á Mosfellsheiði og Fróðárheiði, hálka á Hálfdán og hálkublettir á Kleifaheiði og á Dettifossvegi.