Margrét Guðnadóttir, fyrrverandi prófessor í sýklafræði, hefur þróað bóluefni við mæðiveiki og prófað það á lömbum á Kýpur.
Það bar ágætan árangur og birti hún niðurstöður rannsókna sinna í bresku dýralæknatímariti.
Rannsóknirnar geta haft þýðingu í baráttunni við alnæmi því HIV-veiran er í sama flokki og veiran sem veldur þurramæði og visnu. Ef hægt er að bólusetja gegn mæðiveiki á að vera hægt að bólusetja gegn alnæmi, að því er fram kemur í samtali við Margréti í Morgunblaðinu í dag.