Hálkublettir eru á Sandskeiði, Hellisheiði og í Þrengslum samkvæmt upplýsingum frá Vegagerðinni og hálka eða hálkublettir á nokkrum köflum á Suðurlandi, einkum á útvegum. Hálkublettir og skafrenningur er á Reynisfjalli.
Talsvert er autt á vegum á Vesturlandi, Vestfjörðum og Norðurlandi vestra en þó sums staðar hálka eða hálkublettir og þá helst á fjallvegum og útvegum.
Hálka eða snjóþekja er á vegum á Norðaustur- og Austurlandi og skafrenningur á Oddsskarði. Þæfingsfærð er á Vatnsskarði eystra. Hálka, hálkublettir og éljagangur er með suðausturströndinni.