Lögreglu barst tilkynning um mann sem svaf ölvunarsvefni í strætó um hádegi í dag. Samkvæmt upplýsingum frá lögreglunni var þar á ferðinni par í annarlegu ástandi.
Við leit á þeim fannst hnífur og viðurkenndi maðurinn að þau hefðu verið viðriðin rán í verslun í Mjódd fyrr í morgun, við þriðja mann.
Sá var handtekinn um klukkan 14 eftir að hann framdi annað rán í apóteki í austurbæ Reykjavíkur.