Kanada hyggst efla viðskipti sín við Bretland eftir að Bretar segja skilið við Evrópusambandið. Þetta sagði Justin Trudeau, forsætisráðherra Kanada, í dag. Bresk stjórnvöld hófu formlega í dag úrsagnarferli Bretlands úr sambandinu.

„Bretland er sem fyrr vinur og bandamaður og samstarfsland á sviði efnahagsmála og við munum að sjálfsögðu starfa með þeim samhliða því sem þeir fara í gegnum þær breytingar sem þeir hafa farið af stað með,“ sagði Trudeau. 

Fram kemur í frétt AFP að Bretland sé fjórða stærsta viðskiptaland Kanada. Breskir og kanadískir þingmenn hafa kallað eftir því að samið yrði um fríverslunarsamning á milli landanna sem fyrst til þess að tryggja viðskipti landanna.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt