Lögregla var með viðbúnað á Grettisgötu nú í hádeginu og lokaði götunni af fyrir allri umferð á milli Vitastígs og Frakkastígs. Mbl.is hefur eftir sjónarvottum að víkingasveitin lögreglunnar hafi verið þar á vettvangi.
Lögregluaðgerðum er nú lokið, en lögregla hefur ekki viljað tjá sig um málið að svo stöddu. Hún sagði þó að almenningi væri ekki nein hætta búin.