Bjarni Benediktsson forsætisráðherra fundaði í dag með Jens Stoltenberg, framkvæmdastjóra Atlantshafsbandalagsins, í tengslum við fund leiðtoga bandalagsins sem fram fór í Brussel. Á fundinum var rætt um þróun öryggismála, aukinn varnarviðbúnað og framlög til öryggis- og varnarmála.

í fréttatilkynningu frá forsætisráðuneytinu kemur fram að forsætisráðherra hafi gert grein fyrir stefnumótun stjórnvalda í öryggis- og varnarmálum, stofnun þjóðaröryggisráðs og aukinni þátttöku Íslands í störfum Atlantshafsbandalagsins. Þá var farið yfir þróun öryggismála á Norður-Atlantshafi og mikilvægi varnarinnviða á Íslandi í því samhengi. Vakti Bjarni einnig máls á mikilvægi þess að halda áfram að fylgja eftir jafnréttissjónarmiðum í starfi og aðgerðum bandalagsins.

„Það kom fram í máli framkvæmdastjórans að framlög Íslands og þátttaka í gegnum tíðina eru mikils metin. Hann lagði áherslu á mikilvægi forystu Íslands í jafnréttismálum innan bandalagsins. Við höfum verið að skerpa á stefnumótun og framkvæmd þjóðaröryggismála samhliða því að auka þátttöku í starfi bandalagsins á borgaralegum forsendum,“ er haft eftir Bjarna í tilkynningunni.

Tengdar fréttir

Þjóðaröryggismál

Veltir fyrir sér öryggi kínverskra sæstrengja

• Mögulegur olíuskortur í landinu þjóðaröryggismál
• Sameina flugherina vegna kjarnorkuhers Rússa
• Stjórnkerfið skortir burði í öryggismálum
• Stefnt er að opnun nýs þjóðgarðs 17. júní

» Fleiri tengdar fréttir

• 1 blogg um fréttina

Bloggað um fréttina

• Lárus Ingi Guðmundsson: NATO