Skyrpartý í Heiðmörk

Ísey-skyr er nýtt alþjóðlegt vörumerki fyr­ir ís­lenskt skyr sem Mjólkursamsalan kynnti með pomp og prakt undir berum himni í Heiðmörk í gær. Þar kom saman fjöldi viðskiptavina MS hér á landi til að samfagna starfsfólki ásamt erlendum samstarfsaðilum, blaðamönnum og matarbloggurum sem lögðu leið sína í Heiðmörk í gær. Hljómsveitir léku og gestir fengu að bragða á ýmsum skyrréttum. 

MS selur nú 100 milljónir skyrdósa erlendis og stefnir í tvöföldun þess á næstu árum þar sem skyrið er að komast inn á stóra markaði í Asíu og Eyjaálfu og á nýja markaði í Evrópu.