Skemmdarverk unnin á Víðistaðakirkju

Skemmdarverk voru unnin á Víðistaðakirkju í nótt. Krotað var á alla vesturhlið kirkjunnar. „Þetta er alveg hellingur. Öll hliðin er útkrotuð,“ segir Karl Kristensen, kirkjuvörður. Málið hefur verið kært til lögreglu en ekki er enn vitað hver var að verki.

Skemmdarverkin voru unnin einhvern tímann í nótt, en ekki er víst hvenær. Íþróttaleikar voru haldnir á Víðstaðatúni seint um kvöldið og stóðu fram eftir. Karl segir það líklega hafa verið einhvern tímann eftir þá þar sem enginn var var við ódæðismennina. „Það er enginn að spreyja þegar fullt er af fólki, ég trúi því ekki,“ segir hann.

Krotað var á alla vesturhlið kirkjunnar. „Þetta er alveg hellingur. Öll hliðin er útkrotuð,“ segir Karl Kristensen, kirkjuvörður. Hanna Andrésdóttir

Krotað var á vesturhlið kirkjunnar fyrir neðan kirkjugluggana. Að sögn Karls er krotið mikið og undir gluggunum sé allt útkrotað. Málið var kært til lögreglu í morgun. Á næstu dögum verður málað yfir það. „Það verður gengið beint í þetta, það er ekki um annað að ræða,“ segir Karl.

Hann segir þetta vera hið leiðinlegasta mál.  Hann segist ekki skilja af hverju menn myndu krota á kirkju. „Ég veit ekki hvað mönnum gengur til að krota á Guðshús. Það er skrýtið.“ Hann bætir síðan við að krotið sé ekki uppá marga fiska, þetta séu ekki miklir listamenn.

Að lokum bendir Karl á að það væri hið besta mál að gefa veggjakroturum eitthvað svæði til að krota á. „Það væri gott að skafa þeim einhvern vegg svo þeir geti krotað að vild. Það er kannski það sem þarf.“

Veggjakrotararnir voru að einhvern tímann í nótt en ekki er víst hvenær. „Það er enginn að spreyja þegar fullt er af fólki, ég trúi því ekki,“ segir hann. Hanna Andrésdóttir

• Blogga um frétt