Sumarbækur sækja í sig veðrið

Útgáfa bóka á vorin og yfir sumartímann hefur aukist talsvert undanfarin ár. Bókaútgefendur hafa unnið markvisst að því að byggja upp sumarbókamarkaðinn og nú er svo komið að í ágústlok er um þriðjungur af bókaútgáfu ársins kominn út.

Enn eru þó langflestar bækur gefnar út fyrir jólin og er það séríslenskt fyrirkomulag, að sögn Bryndísar Loftsdóttur hjá Félagi íslenskra bókaútgefenda, sem segir að áherslurnar í útgáfu bókaforlaganna séu mismunandi eftir árstímum.