Veðurspár gera ráð fyrir fremur hægri breytilegri átt með stöku skúrum norðan til en úrkomulitlu í nótt. Hiti verður 8 til 17 stig að deginum á morgun, hlýjast í innsveitum norðaustan til.
Veðrið gengur í suðaustan 8-13 m/s á morgun og rigning með köflum. Hægari breytileg átt á Norðurlandi, skýjað með köflum og síðdegisskúrir en þurrt að mestu á Austurlandi.
Búist er við allhvassri austanátt syðst á landinu seint annað kvöld og fram á fimmtudagsmorgun. Slíkur vindur getur verið varasamur fyrir farartæki sem eru viðkvæm fyrir vindi, t.d. húsbíla og hjólhýsi segir á heimasíðu Veðurstofunnar.
Á höfuðborgarsvæðinu verður suðaustlæg eða breytileg átt í nótt og tekur að rigna. Suðaustan 8-13 á morgun og rigning með köflum. Hiti 8 til 13 stig.