Vilja stórauka skimanir

Stórauka ætti skimanir fyrir krabbameini á Íslandi. Þetta er meðal þess sem fram kemur í tillögum að nýrri krabbameinsáætlun fyrir Ísland.

Í dag er almenn hópskimun einungis framkvæmd vegna brjósta- og leghálskrabbameins en þá eru konur á vissum aldri boðaðar í skimun á tveggja ára fresti, að því er fram kemur í umfjöllun um þetta mál í Morgunblaðinu í dag.

Þá er nýhafin skimun vegna ristilkrabbameins. Auk þess er lagt til að skimað verði fyrir blöðruháls-, lungna- og húðkrabbameini.